കറിവേപ്പില..

മെഴുകുതിരി നാളം!!

മനോഹരമായാരാ രൂപത്തില്‍

തമസ്സിനെയകറ്റുന്ന തിരിനാളം

                                       തെളിയുന്ന ജ്വാലയിലുരുകുന്ന                                                                         തിരിയുടെ ആത്മാവിന്‍

നൊമ്പരങ്ങളാരറിവൂ മൗനരാഗ-

ങ്ങളാര് മീട്ടും......

അടരുന്ന മെഴുകിന്‍ തുള്ളികളി-

ലലിഞ്ഞ് വികലമാകുന്ന മോഹനരൂപം

ചുറ്റുമലയടിക്കുന്ന മാരുതനെ

തോല്പിക്കുവാനൊരു വിഫലശ്രമം..

പിടയുന്ന തിരി, ഉരുകുന്ന ദേഹം..

അണയുന്ന നാളവുമൊടുങ്ങുന്ന ജീവനും

എങ്കിലും പ്യണ്യമെനിക്കീ ജന്മം സ്വയമു-

രുകിയെങ്കിലും നിനക്കായെരിഞ്ഞൊടുങ്ങുന്ന ഭാഗ്യം....