എന്റെ മൌനം.. നീ തിരയുന്നത്...

നീ.....!! ഇതെന്റെ ആത്മസുഹൃത്തിനു..2009

                                                                                                                                                                                                                                                                                                                                                                                           സ്നേഹിച്ചിരുന്നു നിന്നെ ഞാനെന്നെയെന്ന പോൽ      

പക്ഷെ നീയറിഞ്ഞില്ലയെന്നേയുമെൻ മനസ്സിനേയും                                                         

എനിക്ക് നീ ഞാൻ തന്നെയായിരുന്നു                                                                   

എന്നാലതൊരു പ്രണയമായിരുന്നില്ലാ.. 

എന്തായിരുന്നു നീ എനിക്കെന്നു   

നിനക്കോ എനിക്കോ വ്യക്തമല്ലാ  

പക്ഷെ എന്തൊക്കെയോ ആയിരുന്നു പരസ്പരം..   

സ്വയമൊരുക്കിയ കൽ തുറുങ്കിൽ നീയെനിക്ക്   

കൂട്ടിരുന്നെന്നിലെ തമസ്സകറ്റുവാൻ..  

എന്റെയേകാന്തതയെ വകഞ്ഞ- 

രികിലെത്തിയിരുന്ന നിന്റെ സാന്നിധ്യം..     

ഇനിയെനിക്കന്യം.. എങ്കിലും...................

കഴിഞ്ഞു പോയ സ്മരണകളെന്നുണർവ്വുകൾ തന്നെയാണ്      

സഹതാപത്തിന്റെ വിത്ത്  മുളപ്പിച്ച്      

സ്നേഹമെന്ന വികാരം നീയെനിക്കേകി..  

മോഹിച്ചില്ല നിന്നെ ഞാനെൻ പങ്കാളിയായി      

കാരണം നീയതിലുമുയരത്തിലായിർന്നെന്നിൽ     

കാമിച്ചില്ല നിന്നെ ഞാൻ എന്തെന്നാൽ   

നിന്നിലെ നിന്നെയായിരുന്നു ഞാനിഷ്ടപെട്ടതും 

നീ ഭയന്നൂ എന്നെയുമെന്റെയീ ഭ്രാന്തമായ സ്നേഹത്തേയും                                    

നിന്റെ വിഹ്വലതകളെയകട്ടനൊരു പാഴ് ശ്രമം  

തോറ്റിരിക്കുന്നു ഞാൻ ദയനീയയായി...                                                    

തച്ചുടച്ചെന്റെ മനസ്സിൻ ചില്ലകളെ 

നിന്റെ പ്രഹരത്തിലേറ്റ വ്രണത്തിൽ   

ചാലുകീറിയ നിണത്തിൽ ഞാനലിഞ്ഞൂ 

ചിതറിയ ചില്ലകളുമായെന്റെ കൽ തുറിങ്കിലേക്ക്   

ജീവിതപ്രയാണത്തിൽ പാറിപറക്കാനെനിക്ക്    

ലഭിച്ചൊരുദ്യാനമായിരുന്നു നിന്റെ സൌഹൃദം.....                                                                                     

തെറ്റിദ്ധാരണ..

ബന്ധങ്ങൾ..

ബന്ധങ്ങളെ ബന്ധനങ്ങളായി         
കാണുകിലത് മരീചിക! 
ബന്ധങ്ങളെ ജിവിതത്തിന-                                                                                                                                                            നിവാര്യമായി കരുതുകിലത് ജീവാമൃതം..

സ്നേഹമൊരിക്കലും പിടിച്ചുപറിക്കലാ-
കരുതെന്ന് പഴമൊഴി പക്ഷേ
ഇന്നിന്‍റെ ലോകത്തില്‍ പണത്തിന്‍റെ
തൂക്കത്തിലധിഷ്ടിതം പ്രണയം..

അക്ഷരം...

അക്ഷരങ്ങള്‍ നിന്നെ ഭ്രാന്തനാക്കീടവേ
നീ നിന്നെ മറന്നക്ഷരങ്ങളേ പുണരുക
നിനക്കാവും വിധം മെനയുക വാക്കുകളെ
നിനക്കനുഭവിക്കാം ഭ്രാന്തില്ലാത്തൊരു മനസ്സുഖം 

സ്വന്തമെങ്കിലും ചിന്തകള്‍ക്കന്ത്യമില്ലല്ലോ
വൃഥാ എങ്കിലും ശ്രമിക്കുക ചിന്ത-
കളെ കടിഞ്ഞാണിലൊതുക്കുവാന്‍
അക്ഷരചങ്ങലയില്‍ ബന്ധനം സുനിശ്ചയം!!!!

......

ആശയത്തിന്‍ മുതലാളി ആരുമല്ലീ ഭൂവില്‍ 
ചുറ്റുപാടുകളെ അറിയുവാനാഗ്രഹിക്കുന്നവന്‍
സഹജീവികളേ താനായി കാണുന്നവന്‍ 
ആശയങ്ങളെ മനസ്സിലിട്ടുരുക്കുന്നു 
ഏകയായി ചലിക്കുവാന്‍ വിധിക്കപ്പെടുന്ന  
ജന്മങ്ങളും മെനയുന്നു ആശയത്തിന്‍ കൊട്ടക    
ഏകാന്തതയിലെന്നെങ്കിലുമൊരു താങ്ങണയുമോ
ആകാംക്ഷയിലാശയത്തിന്‍ മോടി കൂട്ടൂന്നു