കണ്മഷി..
അറിയുവാന്‍ ശ്രമിച്ചില്ല
അല്ല അറിഞ്ഞില്ലെന്നത് തന്നെ സത്യം
അറിയുവാനടുത്തപ്പോളേക്കും
നീ മറ്റൊരു മിഴികളിലെ കറുപ്പുമായ്
മോഹം
നിന്‍ മോഹത്തിനാഴങ്ങളില്‍
നീന്തുകയെന്ന, യെന്‍ പാഴ്കിനാവും.....
നിന്‍ ഹൃദയത്തില്‍ പതിഞ്ഞില്ലെന്‍
മൌനാനുരാഗം... പിന്നെയെന്നശ്രുപ്ഷ്പങ്ങളും
നീയറിയാതെയുണ്ടായിരുന്നു നിന്‍ നിഴല്‍-
പാടകലത്തില്‍...നിനക്കരോചകമാകാതെ..
മറുതീരം നോക്കി നീ നീന്തവേ
അലതല്ലുമോളത്തില്‍ നിന്‍ നിഴലുലയവേ
നിലയില്ലാ കയത്തിലെന്‍ ചിറകുകളിടറവേ
നിന്നെ സ്നേഹിച്ചൊരാ നിര്‍വൃതിയില്‍
ഞാൻ യാത്രയാവുന്നു.. അടുത്ത ജന്മമെങ്കിലും.....
ആപ്പിള്‍മരവും സര്‍പ്പവും..
ആദിയിലെ ആപ്പിള്‍മരവും സര്‍പ്പവു-
മിന്നുമിരട്ടിക്കുന്നീ ലോകത്തില്‍
പ്രളയമനാരോഗ്യം..സാമ്പത്തീക മന്ദ്യം..
എന്ത് തന്നെയേറിയാലുമൊടുങ്ങി-
ല്ലൊരിക്കലും ആപ്പിള്‍മരവുമീ സര്‍പ്പവും...
കഷ്ടങ്ങളേറുമ്പോള്‍ സര്‍പ്പമതിന്‍ ഫണം
വിടര്‍ത്തിയാടും ആപ്പിള്‍ തന്‍ ശിരസ്സിലേന്തീ
പ്രലോഭനങ്ങളിലല്‍ ഇടറുന്നു കാലുകള്‍
വരളുന്ന നാവുകളള്‍... പശിയടക്കുവാനായ്
ക്രൂരതകൃത്യങ്ങള്‍ പെരുകുന്നു ചുറ്റിലുമ-
പ്പോഴും നമുക്കുണ്ട് പഴിചാരുവാനായ്
ആദിയിലെ ആപ്പിളും പിന്നെയാ സര്‍പ്പവും.....
വിട
വിട പറയാതെ നിവൃത്തിയില്ലാ
വിട പറഞ്ഞേ മതിയാവൂ
ഇതു പറയാന്‍ പറഞ്ഞേല്പിച്ച്
നിന്നെയിങ്ങോട്ട് വിട്ടതും....
പ്രലോഭനങ്ങള്‍ പലവഴികളില്‍ നിന്നും
മാടി വിളിക്കുന്നുണ്ടാകാം നിന്നേ നിന്‍
വിട പറച്ചിലില്‍ നിന്ന് പിന്തിരിക്കാ-
നുള്‍വിളിയും പക്ഷേ വിട ചൊല്ലു നീ
നീ ചെന്നിട്ട് വേണമടുത്തയാളിനി-
വിടെ വീണ്ടുമണയുവാനവനുടെ
വിട ചൊല്ലുവാന്‍... വിട... വിട..
No comments:
Post a Comment